Të paktën 6 persona kanë mbetur të plagosur rëndë në Spanjë, si pasojë e një shpërthimi të fuqishëm që u regjistrua në një fabrikë municionesh.
Ngjarja e rëndë u shënua në fabrikën Rheinmetall Expal Munitions, një degë e prodhuesit gjerman të armëve Rheinmetall, e cila është e vendosur në Murcia.
Fabrika ku ndodhi ngjarja prodhon municione artilerie, mortaja dhe fishekë të kalibrit të mesëm dhe sisteme shtytëse raketash, teksa shkaqet e shpërthimit janë ende të paqarta.
Incidenti shkaktoi gjithashtu një zjarr në pyll në zonën industriale, i cili u përhap në 2000 metra katrorë përpara se të shuhej.
Rheinmetall ka shtatë qendra operimi në Spanjë dhe SHBA dhe furnizon me armë mbi 60 vende.
