Është hapur gjatë pasdites rreth orës 16.00 aeroporti i Fontanarosas në Katania të Italisë, pas mbylljes për shkak të hirit që krijoi vullkani i aktivizuar i Etnas mbrëmë rreth orës 19.00. Në Etna aktualisht është në aktivitet me shpërthime dhe llavë. Shpërthimi filloi pasditen e djeshme ku pati edhe një shatërvan me llavë që vinte nga krateri ‘Voragine’.
Kjo është e treta në dy ditë. Situata e vullkanit është e monitoruar vazhdimisht nga Instituti Kombëtar i Gjeofizikës dhe vullkanologjisë në Catania.
Aktiviteti është i shoqëruar me përhapjen e hirit i shtyrë nga era në drejtim të Veriut
Në qiell janë përhapur tonelata të tëra hiri që e bëjnë të pamundur transportin ajtor.
Grimcat e hirit vullkanik janë shumë gërryese dhe kjo mund të shkaktonte probleme ne në motorët e avionëve, çka mund të provokonte prishjen e tyre.
Nuk dihet se kjo situatë në vullkanin Etna mund të shkaktojë probleme edhe në fluturimet ajrore drejt Shqipërisë.
Vetëm disa vite më parë shpërthimi i një vullkani në Islandë dhe hiri që shpërndau, anulloi me qindra fluturime për shkak të kufizimit të pamjes.
