Një bombol gazi ka shpërthyer pasditen e sotme në qytetin e Durrësit ku për pasojë kanë mbetur të plagosur 3 persona.
Njoftimi i policisë bënë me dije se të plagosurit janë identifikuar me inicialet Q. M., 60 vjeç, B. M., 45 vjeçe dhe B. M., 17 vjeçe.
Aktualisht ata ndodhen nën kujdesin e mjekëve dhe nuk ka informacion mbi gjendjen e tyre shëndetësore.
Policia dhe grupi hetimor janë në vendngjarje dhe po punojnë për zbardhjen e plotë të shkaqeve.
Njoftim:
Më datë 16.09.2021, në orën 19:15, në Xhafzotaj, Durrës, dyshohet si pasojë e shpërthimit e një bombule gazi në banesë, janë lënduar shtetasit Q. M., 60 vjeç, B. M., 45 vjeçe dhe B. M., 17 vjeçe, banues në Xhafzotaj, Shijak, të cilët ndodhen nën kujdesin e mjekëve.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
