Një bombol gazi ka shpërthyer mbrëmjen e sotme në Maliq, ku për pasojë ka mbetur e plagosur një 60-vjeçare.
Sipas policisë, në Spitalin e Pogradecit ka shkuar me djegie trupore shtetasja F. Gj., 60 vjeçe, të cilat dyshohet se i janë shkaktuar si pasojë e shpërthimit të një bombole gazi në banesën e saj.
Mësohet se 60-vjeçarja ndodhet nën kujdesin e mjekëve.
“Më datë 10.07.2022, rreth orës 21:00, jemi njoftuar se në Spitalin e Pogradecit, ka shkuar shtetasja F. Gj., rreth 60 vjeçe, banuese në fshatin Podgorie, Maliq, me djegie trupore, të cilat dyshohet se i janë shkaktuar si pasojë e shpërthimit të një bombole gazi në banesën e saj.
Aktualisht kjo shtetase ndodhet nën kujdesin e mjekëve.
Grupi hetimor po punon për zbardhjen e rrethanave të ngjarjes”,-njofton policia./Opinion.al
