Një shtëpi është përfshirë nga flakët në Allias, pasi ka shpërthyer bombula e gazit.
Policia njofton në banesë ndodheshin dy të moshuar, të cilët janë nxjerrë jashtë nga shërbimet e zjarrfikses dhe janë dërguar në spital për ndihmë mjeksore.
Njoftimi
Rreth orës 13:09 në Allias, në një banesë private ka shpërthyer një bombul gazi dhe për pasojë banesa është përfshirë nga flakët.
Policia së bashku me shërbimin e zjarrfikses kanë shkuar menjëherë në vendngjarje ku kanë mundur të nxjerrin dy të moshuar shtetasit B. H.,80 vjeç dhe N. H.,77 vjeçe që banonin në banesë, të cilët u dërguan në spital për ndihmë mjeksore .
Grupi hetimor ndodhet në vendngjarje, ku po vijon punën për sqarimin e rrethanave të ngjarjes.
