Një 24-vjeçare ka mbetur e plagosur pas shpërthimit të bombolës së gazit në një apartament në lagjen Nr.2 të qytetit të Laçit.
Policia bën me dije se bombola e gazit ndodhej në ballkon, ndërsa ende nuk dihen shkaqet e shpërthimit.
E plagosura me iniciale M.G është dërguar në Spitalin e Traumës në kryeqytet dhe ndodhet jashtë rezikut për jetën.
Ngjarja ndodhi rreth orës 07:40 në banesën e qytetarit me iniciale M.G. Policia ka nisur hetimet për të zbardhur tërësisht shkaqet e shpërthimit.
