Një automjet ka shpërthyer në flakë këtë të martë në Kamëz sapo drejtuesi ka tentuar ta hapë derën e mjetit. Sipas policisë në momentin që pronari i mjetit ka hapur me pult komandimi makinën, automjeti ka shpërthyer.
Nga shpërthimi është lënduar në këmbë drejtuesi i mjetit. Policia ndodhet në vendngjarje.
Tiranë/Informacion paraprak
Më datë 09.02.2021, rreth orës 10:00, në Kamzë, në rrethana ende të paqarta, në momentin që drejtuesi i automjetit është afruar dhe ka shkelur pultin ka shpërthyer, dyshohet si pasojë e lëndës plasëse mjeti i parkuar me drejtues shtetasin Gj. M., i cili është lënduar lehtë në këmbë pa problem për jetën.
Në vendin e ngjarjes ndodhet grupi hetimor dhe sherbimet e Policisë ku vijon puna për sqarimin e rrethanave të ngjarjes.
