Një 30-vjeçar ka rënë në prangat e policisë së Fierit pasi shpërndante lëndë narkotike. Sipas njoftimit të policisë 30-vjeçari me iniciale S.S shpërndante në qytetin e Fierit lëndë narkotike të llojit heroinë në formë dozash. Pas kontrollit që iu ushtrua nga blutë e Fierit ju gjetën me vete 9 doza me lëndë narkotike të dyshuar Heroinë.
Njoftimi i Policisë:
Goditet një tjetër rast i shpërndarjes së drogave të forta në formë dozash.Në pranga 30 vjeçari. U sekuestruan në cilësinë e provës materiale 9 doza me lëndë narkotike të dyshuar Heroinë. Specialistët e Seksionit për Hetimin e Narkotikëve në Drejtorinë Vendore të Policisë Fier arrestuan në flagrancë shtetasin:
-S.S, 30 vjeç, banues në Patos.
Pas informacioneve të mara në rrugë operative se ky shtetas shpërndante në qytetin e Fierit lëndë narkotike të llojit heroinë në formë dozash, u ushtrua kontroll personal dhe gjatë kontrollit ju gjetën mevete 9 doza me lëndë narkotike të dyshuar Heroinë. Materialet i kaluan Prokurorisë pranë Gjykatës së Shkallës së Parë Fier për veprën penale “Prodhimi dhe shitja e lëndëve narkotike”.
