Uniformat blu të kryeqytetit kanë arrestuar një 19-vjeçar, i cili shpërndante kanabis në doza të vogla.
Policia njofton se kishin marrë informacione se i riu , iu shiste lëndë narkotike kryesisht Cannabis Sativa, përdoruesve kryesisht në rrugën “Dhimitër Shuteriqi”, në Tiranë.
Mbi bazën e këtyre informacioneve u zhvillua operacioni “Muzgu”, i cili u mbyll me arrestimin e të riut L.S. dhe sekuestrimin e 463 gr lëndë narkotike Cannabis Sativa, e ndarë në doza gati për shitje. Një sasi dozash iu gjet në momentin e kapjes, ndërsa pjesa tjetër gjatë kontrollit në banesë, e futur në qese farmaceutike.
Materialet proceduriale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore për veprën penale “Prodhimi dhe shitja e narkotikëve”./Opinion.al
