Policia e Elbasanit ka arrestuar një 37-vjeçar pasi akuzohet se shpërndante heroinë, ndërsa është shpallur në kërkim bashkëpunëtori i tij.
Në pranga ka rënë E. K., 37 vjeç, banues në Elbasan, i dënuar më parë për të njëjtën vepër penale. Në kërkim është shpallur në kërkim shtetasi E. R., 28 vjeç, banues në Elbasan.
37-vjeçari është arrestuar në flagrancë nga shërbimet e Policisë, pasi gjatë kontrollit në automjetin me të cilin qarkullonte u gjet dhe u sekuestrua në cilësinë e provës materiale një sasi lënde e dyshuar narkotike heroinë.
Në vijim të veprimeve, gjatë kontrollit në banesën e tij u gjetën dhe u sekuestruan 4 aparate celulare, një peshore elektronike dhe një shumë parash e dyshuar e përfituar nga veprimtaria kriminale.
Nga veprimet hetimore dyshohet se bashkëpunëtor në këtë veprimtari kriminale është edhe shtetasi i shpallur në kërkim E. R. Punohet për kapjen e tij dhe për dokumentimin e plotë të veprimtarisë kriminale të këtyre shtetasve.
Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
