Një 52-vjeçar është arrestuar nga policia e Tiranës ditën e sotme, pasi akuzohet se shpërndante lëndë narkotike.
Policia njofton se në pranga ka rënë 52-vjeçari i identifikuar me inicialet A.V. Ndërkohë, gjatë kontrollit fizik dhe në banesë, punonjësit e policisë gjetën dhe sekuestruan në cilësinë e provës materiale 257 gr. lëndë narkotike Cannabis Sativa.
Mbi të arrestuarin rëndon akuza “Prodhimi dhe shitja e lëndëve narkotike”.
Njoftimi i policisë
Tiranë
Goditet një tjetër rast i shpërndarjes i lëndëve narkotike në doza të vogla.
Sekuestrohen 257 gr. lëndë narkotike Cannabis Sativa.
Në pranga shpërndarësi i lëndës narkotike.
Shërbimet e Komisariatit të Policisë Nr. 2 në Tiranë, gjatë patrullimit në territor, kanë marrë informacion se një shtetas posedonte lëndë narkotike dhe merrej me shpërndarjen në doza të vogla.
Bazuar në informacionin e siguruar, Specialistët për Hetimin e Krimit në bashkëpunim me Patrullën e Përgjithshme, në rrugën “Sulejman Delvina”, kanë identifikuar autorin e dyshuar, shtetasin A.V., 52 vjeç, banues në Tiranë.
Gjatë kontrollit fizik dhe në banesë shërbimet e Policisë gjetën dhe sekuestruan në cilësinë e provës materiale 257 gr. lëndë narkotike Cannabis Sativa.
Në përfundim të veprimeve të para hetimore në bashkëpunim me Seksionin për Hetimin e Narkotikëve në DVP Tiranë, u bë arrestimi në flagrancë i shtetasit A.V.
Materialet i kaluan Prokurorisë së Rrethit Gjyqësor Tiranë për veprime të mëtejshme, për veprën penale “Prodhimi dhe shitja e lëndëve narkotike”./ Opinion.al E.Xh.
