Policia e Shkodrës ka vënë në pranga një person një shiste drogë pranë shkollave të qytetit.
Operancioni “Pedonalja” ishte një bashkëpunim mes Seksionit për Hetimin e Narkotikëve në DVP Shkodër, Prokurorisë së Shkodrës dhe Komisariatit e Policisë Shkodër.
Pas arrestimit të një 24 vjeçari që trafikonte drogën, policia sekuestroi edhe 990 tableta të dyshuara si ekstazi.
Pas raportimeve në rrugë operative se një shtetas shpërndante drogë pranë shkollave të mesme dhe Universitetit, procedimi penal ishte regjistruar në Prokurorinë e Shkodrës. Për hetimin e këtij rasti u përdorën metoda speciale për gjurmimin e shpërndarësit. Gjatë 3 muajve u mblodhën prova të cilat dëshmonin se 24 vjeçari me inicialet M.K kishte aktivitet kriminal në drejtim të shitjes dhe prodhimit të narkotikëve.
Materialet proceduriale do t’i kalojnë Prokurorisë Pranë Gjykatës së Shkallës së Parë Shkodër, për veprën penale “Prodhimi dhe shitja e narkotikëve”. /Opinion.al
