Një 41-vjeçar është arrestuar nga Policia e Fierit pasi akuzohet se shpërndante lëndë narkotike.
Policia sqaron se në pranga ka rënë K. C., 41 vjeç, banues në Lushnjë. Po ashtu, është proceduar penalisht një 53-vjeçar që do të blinte lëndën narkotike.
Gjatë kontrollit në banesën e 41-vjeçarit, u gjet dhe një sasi lënde narkotike 865 gram cannabis sativa, një pjesë e së cilës ishte e ndarë në 114 doza, gati për shitje.
Gjithashtu u sekuestruan në cilësinë e provës materiale një peshore elektronike që shërbente për të bërë gati në doza të vogla lëndën narkotike, një aparat celular dhe një sasi parash.
Materialet i kaluan Prokurorisë pranë Gjykatës së Shkallës së Parë Lushnjë, për veprat penale “Prodhimi dhe shitja e narkotikëve” dhe “Nxitja për përdorimin e drogës”./ Opinion.al
