Policia ka arrestuar një 26-vjeçar, pasi shpërndante doza kokaine në Tiranë.
Ngjarja ka ndodhur në rrethrrotullimin e Rinasit, pas mesnate, ku shërbimet e Policisë kanë lokalizuar dhe ndaluar automjetin me drejtues shtetasin I. Rr.
Gjatë kontrollit uniformat blu kanë sekuestruar rreth 107 gram sasi lënde të dyshuar narkotike kokainë në proces për tu ndarë në doza dhe shuma parash.
“Shërbimet e Komisariatit të Policisë Krujë në bashkëpunim me Seksionin për Hetimin e Narkotikëve në DVP Tiranë, në vijim të punës për goditjen e aktivitetit kriminal të shitjes së lëndëve narkotike, ka organizuar dhe finalizuar operacionin policor të koduar “Mesnata”.
Si rezultat i këtij operacioni u arrestua në flagrancë shtetasi I. Rr., 26 vjeç, banues në Tiranë.
Në rrethrrotullimin e Rinasit, pas mesnate, shërbimet e Policisë kanë lokalizuar dhe ndaluar automjetin me drejtues shtetasin I. Rr. Gjatë kontrollit fizik dhe në automjet, u gjetën sasi lënde e dyshuar narkotike kokainë, një pjesë e ndarë në doza, gati për shitje, dhe 3180 euro dhe 48 000 lekë.
Nga hetimet ka rezultuar se ky shtetas, pasi siguronte lëndë narkotike, e shpërndante atë në doza, në zona të ndryshme të Tiranës”, njofton policia.
Materialet i kaluan Prokurorisë, për veprime të mëtejshme procedurale./Opinion.al