Një 28-vjeçar është vënë në pranga nga policia, pasi u kap duke shitur kokainë e kanabis në lokalet e natës në Vlorë.
Uniformat blu bëjnë me dije se kanë arrestuar shtetasin R.S. 28 vjeç, banues në Vlorë, pasi përgatiste doza të lëndëve narkotike i shiste dhe i shpërndante kryesisht në lokalet e natës në Vlorë.
Gjatë kontrollit fizik policia I ka sekuestruar sasinë e lëndëve narkotike si dhe 1 aparat celular.
“Specialistët për Hetimin e Narkotikëve të DVP Vlorë, në vijim të operacioneve të njëpasnjëshme me fokus parandalimin, evidentimin dhe goditjen e veprimtarive kriminale në fushën e narkotikëve, bazuar dhe në informacionet e siguruara nga inteligjenca informative, kanë organizuar dhe finalizuar operacionin policor të koduar “Fokus 6”, si rezultat i të cilit u arrestua në flagrancë shtetasi R. S., 28 vjeç, banues në Vlorë.
Gjatë kontrollit fizik, shërbimet e Policisë i gjetën këtij shtetasi, doza me lëndë të dyshuar narkotike kokainë dhe kanabis, të cilat u sekuestruan në cilësinë e provës materiale, së bashku me 1 aparat celular.
Nga veprimet hetimore dyshohet se ky shtetas i shpërndante dozat e kokainës dhe të kanabisit, në qytetin e Vlorës, kryesisht në lokalet e natës”, tha policia.
Materialet procedurale i kaluan Prokurorisë, për veprime të mëtejshme./Opinion.al
