Një 40-vjeçar, i cili shpërndante në doza të vogla lëndë narkotike të llojit kokainë është arrestuar nga uniformat blu në bashkëpunim me Forcat e Posaçme “Shqiponja”.
Pas informacioneve të marra në rrugë operative se ky shtetas merrej me aktivitet të paligjshëm në vendin e quajtur “Mbikalimi i Sukthit”, në Durrës, shërbimet e Policisë kanë ndërhyrë dhe kanë bllokuar automjetin me të cilin qarkullonte 40-vjeçari me iniciale A.H.
Nga kontrolli i ushtruar në automjetin e tij u gjetën rreth 18.5 gr lëndë narkotike e dyshuar Kokainë, e cila u sekuestrua në cilësinë e provës materiale.
Gjithashtu nga kontrolli i ushtruar në banesën e tij u gjet dhe u sekuestrua një peshore elektronike./Opinion.al
