Katër të rinj nga Rrësheni janë vënë në pranga pasi shpërndanin kokainë në zonën e Kamzës.
Sipas informacionit zyrtar, policia e Tiranës organizoi operacionin “RESTART” për ndalimin e tyre pasi kishte marrë informacion se ata shisnin lëndë narkotike. Për kapjen e tyre Patrullat e Përgjithshme të Komisariat të Policisë Nr. 5, në bashkëpunim me Seksionin për Hetimin e Narkotikëve, kanë ushtruar kontrolle në disa ambiente dhe automjete.
Si përfundim u arrestuan G. N., 19 vjeç, A. T., 19 vjeç, M. Gj., 22 vjeç dhe J. P., 18 vjeç, të katërt lindur dhe banues ne Rrëshen.
Gjatë kontrollit të ushtruar në automjetin me të cilin të rinjtë po udhëtonin u gjet dhe sekuestrua 11.2 gramë kokainë e ndarë në doza të futura në qese farmaceutike.
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprën penale “Prodhimi dhe shitja e narkotikëve” e kryer në bashkëpunim. /Opinion.al
