Dy persona që shpërndarin droga të forta në doza të vogla janë vënë në pranga nga Policia e Durrësit.
Sipas njoftimit zyrtar mësohet se janë shtetasit Enis Pirro dhe Pedi Canosinaj, të cilët u arrestuan në flagrancë, pasi gjatë kontrollit iu gjetën lëndë narkotike.
Gjatë kontrollit fizik ndaj këtyre shtetasve, shërbimet e Policisë, gjetën disa doza me lëndë narkotike heroinë dhe kokainë, një sasi lëndë narkotike cannabis sativa, gati për shitje.
Ata u kapën në lagjen 6 të këtij qyteti. Në cilësinë e provës materiale u sekuestrua lënda narkotike, motomjeti, 1 aparat celular dhe një grirëse hashashi.
