Dy persona janë arrestuar nga Policia dhe një tjetër është shpallur në kërkim pasi akuzohen për shpërndarje të lëndëve narkotike.
Policia sqaron se të arrestuarit janë pjesë e një frupi që shpërndajnë lëndë narkotike në Durrës, Lushnjë dhe Tiranë.
Të arrestuarit janë identifikuar me inicialet K. T., 26 vjeç dhe S. T., 20 vjeç, banues në Lushnjë, ndërsa personi i shpallur në kërkim është L. S., banues në Lushnjë.
Në vendin e quajtur ” Mbikalimi i Plepave”, gjatë kontrollit të ushtruar në mjetin tip “Opel” me drejtues shtetasin M. R. dhe pasagjer shtetasin J. B., në bagazh është gjetur dhe sekuestruar në cilësinë e provës materiale lëndë narkotike e dyshuar cannabis sativa.
Nga hetimet disamujore të kryera dyshohet se këta shtetas, në bashkëpunim me njëri-tjetrin, ushtronin veprimtarinë kriminale të shitjes së lëndëve narkotike me klientë të ndryshëm në qytetin e Durrësit, Tiranës dhe Lushnjës.
Arrestimi i të rinjve është bërë në kuadër të operacionit të koduar “Trinomi”, cili ka nisur në tetor 2020, nga strukturat e Hetimit Kundër Narkotikëve në DVP Durrës, nën drejtimin e Prokurorisë së Rrethit Gjyqësor Durrës./ Opinion.al
