Policia e Tiranës ka mundur të evidentojë dhe të godasë dy raste të shpërmdarjes së lëndëve narkotike. Pas një operacioni të bluve të Tiranës janë sekuestruar rreth 320 doza lëndë narkotike e dyshuar e llojit kanabis, pasi disa persona në bashkëpunimin me njëri-tjetrin e shpërndanin në formë dozash.
Është bërë i mundur arrestimi në flagrancë i 4 persona, ndërkohë që 5 të tjerë janë proceduar penalisht nën akuzën e “Moskallzim krimi” në zonën e Bulevardit të ri, Babrroit dhe në rrugën dytësore në autostradë.
Gjatë operacionit të policisë mësohet se janë arrestuar në flagrancë 22-vjeçari me iniciale F.T, 16 vjeçari me iniciale A.C dhe 18-vjeçari E.D.
Këtyre persona iu gjetën doza lëndësh narkotike të dyshuar si kanabis. Gjithashtu u proceduan në gjendje të lirë për “Moskallëzim krimi” dhe 2 persona të tjerë të përfshirë.
Më pas policia ka bërë të ditur se është ushtruar një kontroll në banesat e të arrestuarve në Tiranë, ku u gjetën dhe sekuestruan në cilësinë e provës materiale, 301 doza me lëndë narkotike të dyshuar kanabis, dorezë metalike, fishekë luftarakë dhe 1 pistoletë lodër.
Rasti tjerër e shpërndarjes së lëndëve narkotike ka përfshirë një 19-vjeçar me iniciale L.F, i cili është arrestuar në flagrancë pasi gjatë kontrollit fizik të kryer nga policia iu gjetën 19 doza lëndë narkotike e dyshuar kanabis. Në vijim të veprimeve u proceduan penalisht dhe 3 shtetas për “Moskallzim krimi”./Opinion.al/
