Kualifikimi për në fazën e grupeve të Champions League ka qenë shumë përfitues nga ana monetare për 32 klubet pjesëmarrëse. Për sezonin 2019 – 2020 të kompeticionit elitar të futbollit, shifrat që ekipet do të përfitojnë nga UEFA reflektojnë tregun shumë në rritje të industrisë së futbollit e cila shihet dhe në shifrat marramendëse të transfertave të lojtarëve.
Vetëm për kualifikimin për këtë fazë, secili klub ka përfituar 15.25 milionë euro. Për çdo fitore shpërblimi është 2.7 milionë euro ndërsa për barazim 900 mijë euro.
Kualifikimi në fzën e 1/8-ave do të shpërblehet me 9.5 milionë euro, në çerekfinale me 10.5 milionë euro, në gjysmë finale me 12 milionë euro dhe në finale 15 milionë euro. Fituesi do të përfitojë 4 milionë euro shtesë. Pra nëse një klub arrin në finale dhe ka fituar minimumi katër ndeshje në fazën e grupeve ai do të përfitojë 94.65 milionë euro.
Këtu nuk janë të përfshira përfitimet e ekipeve nga ndarja e “Market Pool” (të drejtës televizive). /Opinion.al
