Kryeministri Edi Rama të premten ka premtuar një shpërblim për të gjithë ushtarakët që morën pjesë në operacionet e shpëtimit gjatë ditëve të vështira të krijuara nga përmbytjet në vend.
Përpos kësaj, Rama deklaroi se vitin që vjen, qeveria do të rrisë buxhetin për FA-të dhe u premtoi atyre rritje të pagave.
Ai tha sot se qeveria do të vendosë në radhë të parë një shpërblim për të gjithë ata që u përfshinë në një operacion shpëtimi, në mënyrë që të gjithë familjet e ushtarakëve të ndihen mirë në këtë fundviti.
“Nga ana tjetër unë dua të angazhohem sot që viti 2018 -të do të jetë i fundit për të cilin buxheti i shtetit do të ketë rrogat ekzistuese për ju. Jemi shumë të vendosur të rrisim buxhetin e ushtrisë, për mbrojtjen, gjë që e kemi bërë me buxhetin e vitit 2018, por rritja do të vazhdojë. E para rritje prioritare për vitin 2018, do të jetë rritja e konsiderueshme e pagave për ushtarakët“,- shpreh Rama
Deklaratat, kreu i qeverisë i bëri gjatë fjalës së mbajtur në aktivitetin e zhvilluar këtë të premte “Faleminderit Forcat e Armatosura”, për ndihmesën që ata dhanë në përballimin e përmbytjeve.
