Shpejtësi, emocione dhe adrenalinë në Krujë, në edicionin e vitit 2025 të trofeut “Skënderbej”, në garat e FIA CEZ, për Zonën e Europës Qendrore.
Piloti shqiptar, Gentjan Shaqiri, u pozicionua sërish i pari në grupin P4, aty ku është edhe kampion i Europës në fuqi. Me makinën Tattus, ai regjistroi kohën e përgjithshme 4 minuta, 41 sekonda e 131 të mijëtat.
Profesori me pasion garat e shpejtësisë u ngjit në podium përpara rivalit malazez, Sutobiç, teksa la pas vetes edhe serbin Brkiç, edhe pse ai konkurron një kategori më lartë.
Për sa i takon renditjes së përgjithshme, gara u fitua nga Lazlo Szasz. Pas fitores në Kullë të Kosovës, hungarezi që garon për AK Dubrovnik të Kroacisë triumfoi edhe në Trofeun “Skënderbej” në Krujë. Shaqiri u pozicionua I dyti në renditjen e përgjithshme, me vetëm 5 sekonda diferencë, duke e bërë edhe më të suksesshme paraqitjen e Shqipërisë në këtë etapë të FIA CEZ. Tv Klan
