Partia Demokratike prej disa kohës ka hedhur akuza ndaj nën kryetarit të Bashkisë së Tiranës, Arbian Mazniku për shpenzimet e një udhëtimi në Barcelonë. Si fillim u raportuar se për dy net qëndrimi në hotel ishin paguar 1860 euro nga pronari i kompanisë Fusha por më pas Partia Demokratike deklaroi se sipas dokumentit të Agjencisë së Prokurimit Publik, Bashkia e Tiranës ka shpenzuar mbi 9 milionë lekë për udhëtimin në Barcelonë, ku ka marrë pjesë jo vetëm nënkryetari i Bashkisë së Tiranës, por edhe Kryetari Erion Veliaj.
Nënkryetari i bashkisë, Arbjan Mazniku, ka komentuar në një intervistë televizive në lidhje me këto akuza. Ai është shprehur se ka vendosur të mbajë një qëndrim institucional për këtë ngjarje.
“Besoj që është gjëja më e duhur për të bërë, të gjithë baltës dhe fakenews është mënyra më e mirë për t’ju përgjigjur përmes institucioneve të drejtësisë, të cilat do të bëjnë transparencë për publikun. Shpjegimet i kam bërë dje në prokurori me prova dhe me fakte. Unë kam zgjedhur të mbeten institucional. Kushdo që është bërë pjesë e baltës dhe të pavërtetës duhet të mbajë përgjegjësi pas daljes së të vërtetës. Rruga që kam ndjekur është ajo e drejtësisë. Unë besoj se kemi të bëjmë me ato raste që i mbyturi kërkon të kapet pas një fije kashte”-tha ai.
Ditë e djeshme Mazniku është marrë në pyetje në Prokurorinë e Tiranës lidhur me akuzat për shpërdorim detyre nga PD. /Opinion.al
