Shpat Kasapi dhe Afërdita Dreshaj kanë qenë dikur një nga çiftet më simpatike të showbiz-it shqiptar. Ata kanë qenë në një lidhje të gjatë bashkë, e cila ka përfunduar rreth 5 vite më parë. Çifti ka pasur uljet dhe ngritjet e veta, ku janë përfolur për plane serioze por edhe për ndarje disa herë.
Tashmë Afërdita është e martuar me hokeistin Jakub Kindl, me të cilin u lidh pak kohë pas ndarjes përfundimtare me Shpatin. Ndërsa këngëtari herë pas herë jep sinjale që është i lidhur por deri tani nuk ka ndarë asnjë emër apo fytyrë me publikun.
Kanë kaluar 5 vite nga ndarja e tyre por Shpati mesa duket ende mban mëri. I ftuar në “Shiko Kush Luan,” Shpati nuk i shpëtoi dot pyetjeve për ishin e tij. Në njërën nga rubrikat, atij i shfaqeshin fotografi të femrave të njohura shqiptare, dhe ai duhet të zgjidhte nëse do të martohej ose jo. Në mesin e fotove, ishte edhe Afërdita Dreshaj.
“Ma hiqni aman, këtë e kam pas,” u shpreh ai.
Zakonisht, personazhet publikë pas ndarjeve thonë fjalët më të mira për ish partnerët e tyre. Kjo ndodh edhe nëse në të vërtetë ndarja ka qenë problematike. Megjithatë, Shpati nuk u kursye. 5 vite pas ndarjes, ai ende nuk e sheh dot me sy Afërditën, dhe s’do të dëgjojë për të. Çifti kurrë nuk e zbuloi arsyen e ndarjes, as kush ishte ai që mori iniciativën i pari pasi të dy thonë “e lashë unë i pari”. Megjithatë, duhet të ketë bërë diçka vërtetë të keqe Afërdita që pas kaq kohësh, Shpati nuk e fal ende.
Një tjetër kënmgëtare për të cilën Shpati u pyet nëse do të martohej, ishte edhe Genta Ismajli. “Edhe këtë më duket e kam pas, por se mbaj mend,” tha Shpati. Nuk dihet nëse këngëtari po bënte shaka apo e kishte seriozisht. Asnjëherë nuk është dyshuar për një lidhje mes tyre, por nëse ka ndodhur, paska qenë shumë e parëndësishme për Shpatin që ai ta mbajë mend. Ose ka patur gjithashtu një ndarje problematike e Shpati kërkon ta harrojë./Opinion.al
