Shpallet në kërkim për drogë administratori i Kaçinarit në Mirditë. Ka qenë i dënuar më parë

Policia ka shpallur në kërkim administratorin e komunës së Kaçinarit, në Mirditë dhe vëllain e tij. Ata akuzohen për kultivim dhe trafik droge. Petrit Doda (Bardhi) 43 –vjeç, akutalisht banues në fshatin Shendelli (Xarrë)  të Sarandës dhe vëllai i tij Florian (Fran) Bardhi u shpallën në kërkim pasi policia gjeti 424 kg kanabis gati për t’u tregtuar, në shtëpinë e Simon Beqirit, një 64-vjeçari nga Kaçnari. Nga hetimet rezultoi se lënda narkotike që po përgatitej  për ambalazhim dhe trafikimi, i perkiste dy vëllezerve  Petro  Doda  dhe  Florian  Bardhi te cilët duke përfituar nga  njohja e mire e terrenit mundën t largoheshin dhe t’i shpëtonin arrestimit. Policia tha se dy vëllezërit që banojnë në Xarrë të Sarandës do ta trafikonin kanabisin në Greqi. Ajo bëri të ditur gjithashtu se administratori i njësisë administrative të Kaçinarit rezulton të ketë qenë i dënuar më parë për “Dhënie ndihme për kalim të paligjshëm të Kufirit”. Ai është emëruar administrator pak kohë më parë nga kryetari i Bashkisë së Mirditës, Ndrec Dedaj, i Partisë Socialiste. Në maj të vitit 2015 Petrit Bardhi u ndalua në Tiranë pasi iu gjet një pistoletë. Por më vonë u vërtetua se ai kishte lejë për mbajtjen e armës. Nuk dihet nëse Dodës i është kërkuar dëshmia e penalitetit përpara se të emërohej administrator i komunës apo nëse strukturat e PS kanë patur informacion se ai ka qenë i dënuar më parë, sic raporton policia. /Lapsi.al