Mëngjesin e sotëm nëpërmjet një njoftimi të Policisë së Tiranës u bë njoftua se reperi Stresi bashkë me një shokë të tij janë shpallur në kërkim pasi kanë publikuar në rrjete sociale video ku shiheshin duke qëlluar me armë.
Lajmi është transmetuar në mediat kryesore, megjithatë kjo duket se nuk i ka pëlqyer aspak 29 vjeçarit i cili ka reaguar në profilin e tij në Instagram, transmeton opinion.al.
“Denoncojmë news 24 për shpifje dhe diskriminim të imazhit tonë dhe ju kërkojmë menjëherë të heqin ato deklarime të pabaza ndaj nesh … asgjë s’është e vërtetë a keni turp apo s’keni jeni dhe televizion serioz ????”- shkruan ai nën foton e publikuar.
Çuditërisht, 2 orë më parë, Stresi kishte publikuar në Instagram një foto nga dhomë e mbushur me kanabis dhe nën të shkruante se kishte frik se do e fusnin në burg thjesht për publikimin e saj.
“Mirmëngjesi pash në ëndërr këtë foto që kisha bërë vite më parë ishalla smë fusin në burg thjesht nga mendimi sepse sot kështu ka ardh koha në Shqipërinë tonë … Janë Cu Nga Varri Bijtë E Enverit”- shkruante ai.
Kjo foto ngre dyshimet se Stresi mund të jetë njoftuar për shpalljen e tij në kërkim dhe ka dashur të justifikoj veten. / opinion.al
