Elidon Kotorri, i dënuari me burgim të përjetshëm që fitoi lirinë, është shpallur në kërkim.
Gazetarja Anila Hoxha raporton se ai është shpallur në kërkim për plagosjen dhe kanosjen e dy vajzave.
Konkretisht, Hoxha njofton se më datë 17 prill Kotorri bashkë me dy shokët e tij, ka goditur dhe rrahur dy vajza që sapo kishin përfunduar punën në lagjen Ali Demi.
Dy shokët e tij, ende të pa identifikuar iu kanë bërë ftesë vajzave që të hipin në makinë por ato kanë refuzuar.
Më pas djemtë kanë parkuar makinën aty pranë, i kanë goditur me sende të forta dhe më pas janë larguar në drejtim të paditur.
Elidon Kotorri është një personazh i njohur për policinë. Në vitet 2000 ai u përfshi në një vrasje të trefshtë të Andi Hasanit, Sokol Alushit dhe Gazmend Zenelit, dhe u dënua fillimisht me burgim të përjetshëm.
Për shkak të odiseve gjyqësore, dënimi zbriti në 25 vite heqje lirie. Më pas ishte gjykata e Strasburgut, ajo që konsideroi se ndaj tij procesi ishte bërë në kundërshtim me të drejtat e njeriut dhe për këtë shkak ai mori lirinë në gusht 2019./Opinion.al
