Miss Iraku ka marrë një telefonatë kërcënuese nga ISIS, të cilët i kanë kërkuar t’i bashkohet Shtetit Islamik, në të kundërt, do ta rrëmbejnë.
Shaymaa Qasim Abdelrahman, 20 vjeç, është shpallur fituesja e parë e kompeticionit të bukurisë pas më shumë se 40 viteve.
Sipas Jerusalem Post, Shaymaa e ka marrë telefonatën menjëherë pas fitores. Organizatorët e konkursit thanë se 20-vjeçarja ishte mjaft e stresuar, por e vendosur ‘për të vazhduar përpara pavarësisht pengesave’.
“Dëshiroj ta dëshmoj se femra irakiane e ka vendin e saj në shoqëri dhe ka të drejta sikurse meshkujt. Nuk frikësohem nga asgjë sepse jam e bindur se nuk po bëj asgjë të gabuar”, tha ajo.
