“People” ka publikuar emrin e “Gruas më të bukur” të vitit 2019. Sipas revistës prestigjioze ajo është aktorja e njohur hollivudiane, Jennifer Garner, e cilësuar si mbretëresha e bukurisë, për arsye që janë edhe më të thella sesa vetëm pamja fizike.
Pavarsisht titullit të fituar, Garner pranoi se jo gjithmonë është ndjerë një grua tërheqëse.
“Nuk kam qenë ndonjë nga vajzat e bukura që ndihesha e sigurt, madje e shikoja veten aspak tërheqëse. Por u ndjeva mirë me veten më pas. Ky ishte truku! Paraqitja nuk ishte ndonjë gjë me rëndësi në familjen time. Prindërit e mi nuk më kanë thënë ndonjëherë ‘Je e bukur’ dhe unë thjesht nuk mendoja për këtë”, tha ndër të tjera aktorja.
Aktorja 47-vjeçare është nënë e tre fëmijëve, Violet 13 vjeç, Seraphina 10 dhe Samuel 7 vjeç, nga martesa me ish-bashkëshortin Ben Affleck, ndërsa rrëfen e buzëqeshur për mënyrën sesi balancon karrierën, biznesin dhe familjen./Opinion.al
