Ngjan me një film, por në fakt është një e vërtetë e hidhur. Një vajzë kineze ka jetuar për 10 vite në një internet kafe. “People’s Daily Online” shkruan se Xiao Yun u zhduk në vitin 2005, ndërsa kërkimet e policisë në atë kohë nuk gjetën asgjë.
Vajza, tani 24 vjeçare, la shtëpinë e saj në provincën lindore kineze e Zhejiang. Por ajo u gjet më në fund nga policët më 20 nëntor, pas një kontrolli në një internet kafe.
Xiao Yun , e cila mbante një kartë identiteti false, tha në polici se kishte jetuar në internet kafe për 10 vite. 24-vjeçare ka thënë se nuk mund të jetë pa lojërat në internet.
