Kryesore

Shpallen fituesit e Konkursit të Ideve të Biznesit nga B4Students


Bëhu pjesë e Grupit Zyrtar të Opinion.al
>> KËTU <<
               Publikuar në : 14:14 - 26/07/21 |
Opi Nion

10 studentët finalistë të përzgjedhur kanë prezantuar projektet e tyre të biznesit përpara jurisë në kuadër të Konkursit të Ideve të Biznesit, organizuar nga programi B4Students. Juria e konkursit përzgjodhi dy ide biznesi që do të financohen nga Grupi BALFIN dhe pritet të vihen në jetë nga studentët.

Erasmia Varfi, studente e Canadian Institute of Technology, prezantoi dhe fitoi mbështetjen financiare me projektin e saj “Eden Camping”. Nëpërmjet këtij projekti ajo synon që të krijojë një hapësire të veçantëkampimi në qytetin e Himarës, pranë portit të qytetit bregdetar. Gjatë verës, ajo synon që të arrijë të tërheqë të rinj, dhe jo vetëm, që të pushojnë nëkampimin e saj por edhe të nxisë punësimin e studentëve. Në këtë kamping ajo synon që të punësojë studentë të tjerë që do ta ndihmojnë atë në mbarëvajtjen e kësaj sipërmarrje që synon të bëjë për vetë turistë vendas dhe të huaj që e duan natyrën e qytetit të saj.

Kejli Doda, studente e Tirana Business University College, dhe Ilda Haxhiu, studente e Universitetit të Mjekësise, dhe  janë vlerësuar gjithashtu për idenë e tyre të biznesit. Projekti i tyre “Obento”, synon t’u ofrojëatyrë që e duan jetën e shëndetshme po aq sa edhe natyrën, produkte për mbajtjen e ushqimeve të bëra nga materiale miqësore karshi mjedisit. Çantat, gotat, termusët, etj. do të përbëjnë një set të plotë për transportimin e ushqimit në kushte optimale por njëkohësisht duke ruajtur mjedisin. Të gjitha këto produkte janë me materiale të ricikluara ose tëriciklueshme që nuk krijojnë impakt negativ në natyrë. Vajzat kërkojnë gjithashtu të rrisin ndërgjegjësimin për një kujdes më të madh karshi ushqimit cilësor dhe sidomos kujdesit për mbrojtjen e mjedisit.

Keto dy projektet fituese kanë përfituar respektivisht grante në 5,000 Euro dhe 3,000 Euro si fonde për të nisur sipërmarrjet e tyre. Në vijim për këta studentë do të ofrohet edhe mundësia që ekspertë tëGrupit BALFIN t’i këshillojnë gjatë implementimit të planit të tyre të biznesit.

Të gjithë studentët pjesëmarrës në këtë konkurs u përshëndetën edhe nga CEO e Grupit BALFIN, Edlira Muka, e cila gjithashtu u dorëzoi çertifikatat e pjesëmarrjes.

Pas