Një grua, e cila u vu në rrezik për jetën pasi j’u hodh acid në fytyrë nga një mikesha e saj, ka folur për herë të parë për ‘tradhtinë’ që i mori bukurinë.
Naomi Oni pësoi djegie të tmerrshme dhe pothuajse u verbua nga sulmi kur u sulmua nga mikja e saj xheloze në vitin 2012.
25-vjeçarja u sulmua nga Mary Konye, e cila u maskua dhe e ndoqi nga qendra tregtare Westfield, në Stratford, East London deri në shtëpinë e saj.
Pas viteve viktima ka guxuar të flasë për herë të parë për sulmin që i ndryshoi jetën.
“Mendova se ishte shoqja ime dhe nuk mund ta kuptoja pse bëri” – tha Oni për një program televiziv.
‘Të tradhtohesh deri aty sa dikush të të shkatërrojë, m’u thye zemra’.
Zonja Oni dogj aq keq sa duhej të operohej dy herë për rindërtimin e fytyrës.
Mjekët morën lëkurë nga kofshët e saj për të rindërtuar fytyrën, si dhe lëkurën nga prapa veshëve për të krijuar qepalla të reja.
Duke folur për sulmin, ajo tha: “Shikova mbrapa dhe më kujtohet se pashë dikë me të zeza dhe fytyra e personit ishte e mbuluar”.
“Më pas ndjeva një spërkatje të madhe në fytyrë dhe menjëherë bërtita.
“Po vrapoja rrugës dhe mbaj mend që i rashë derës, duke bërtitur: “Po digjem, po digjem, acid, acid, acid”.
Dera u hap nga nëna e tmerruar e Onit, e cila ngriu nga tronditja.
Ajo shtoi: “Mendova se lëkura ime po shpërndahej sikur po shuhesha” .
Konye u burgos përfundimisht për 12 vjet për sulmin e tmerrshëm, pasi policia shqyrtoi pamjet e CCTV.
Ajo e kishte njohur sulmuesen e saj që nga shkolla dhe beson se ajo mund të ketë kryer sulmin për shkak të xhelozisë mbi ngjyrën e saj të lëkurës, e cila konsiderohet si më e bukur në disa kultura afrikane dhe aziatike.
“Unë nuk mendoj se është e vërtetë, por kjo ndoshta ishte një gjë e madhe për të,” – shtoi Oni./OraNews/
