Një vajzë dinamike dhe gazmore, e cila ishte shumë mendje mbyllur dhe kishte një “lidhje të çuditshme” me burrin e saj: me këto fjalë shoqja e saj e ngushtë e përshkroi tek autoritetet Caroline, të cilën e kishte takuar vetëm një ditë para vrasjes brutale nga bashkëshorti, 32 vjeçari Babi Anagnostopulos.
Në fakt, shoqja e 20-vjeçares zbuloi se ajo gjithashtu kishte një aplikacion celular, për të kontrolluar vendodhjen e njëri-tjetrit në çdo kohë.
Duke iu referuar takimit të saj të fundit me Caroline, një ditë para vrasjes, ajo tha:
“Ajo ishte në një gjendje të çuditshme psikologjike, por ndërsa e dëgjova e kuptova që ishte e mbushur dhe kishte nevojë të dilte për t’u çliruar. Në Sheshin Barnabas ajo mori me vete edhe foshnjën. Nuk më tha pse ishte mërzitur por as unë nuk e pyeta. Të them të drejtën, sidoqoftë, nuk më dukej e çuditshme sepse është logjike që duke qenë aq e mbyllur dhe me presionin e detyrimeve familjare, ajo ndihej nën trysni dhe e mërzitur. Pas një kohe, Babis erdhi atje ne ku ishim ulur ”.
Megjithëse ajo i tha policisë se shoqja e saj ishte e hapur dhe e gëzuar, ajo theksoi se ajo ishte gjithashtu natyrë e mbyllur, deri në atë pikë sa edhe ngjarje jashtëzakonisht të rëndësishme në jetën e saj i rrëfeu me vonesë.
“Ajo donte të tregonte anën e mirë ndaj botës së jashtme dhe të fshihte problemet e saj. Gjë që e bënte mirë duke patur parasysh se e bënte edhe me mua. Më pas mësova për problemet e saj, siç ishte aborti, por edhe gjëra më të thjeshta. Kur ajo ishte shtatzënë për herë të dytë më kërkoi të takoja vetëm një ditë para se të sillte në jetë vajzën dhe atëherë u shokova. Por unë e justifikova faktin që s’më kishte treguar shtatzëninë e dytë, për shkak të humbjes së mëparshme. Dhe një gjë tjetër që më vjen në mendje për të: martesa në Portugali. “Ajo nuk më njoftoi mua”, tha shoqja e Caroline duke shtuar se 20-vjeçarja nuk kërkoi këshillën e saj, por thjesht e informoi atë për çdo vendim që kishte marrë.
Lidhur me marrëdhëniet e Caroline me pilotin dhe karakterin e 32-vjeçarit, dëshmitarja tha: “Ata kishin një lidhje të çuditshme.” Imagjinoni që ata kishin një aplikacion në celularin e tyre për të parë njëri-tjetrin në çdo kohë”.
Duke komentuar vizitat e çiftit tek një psikolog, ajo përshkroi se 20-vjeçarja i kishte folur për këtë, por theksoi se nuk i pëlqente ajo që po dëgjonte.
“Edhe një gjë që dua të të them është se Caroline po shkonte te një psikolog. Në fakt, ajo më kishte thënë shumë herë se nuk i pëlqente ajo që i thoshte psikologu. Ajo ishte një vajzë shumë dinamike dhe donte të merrte gjithçka, në përgjithësi ajo ishte një vajzë me shumë besim dhe besonte se mund të përballej dhe të arrinte gjithçka. (…) Ajo donte të bënte gjithçka vetë, kjo vlen edhe në shtëpi. Ajo bënte punët e shtëpisë, foshnjën dhe gjithçka që bënte vetëm, ajo kurrë nuk kishte punësuar askënd për ta ndihmuar “, shpjegoi dëshmitarja, e cila e mbylli dëshminë e saj duke thënë se nuk mund të besonte se Caroline ishte vrarë dhe nuk do ta shihte më kurrë atë./Opinion.al
