Policia ka shoqëruar një tjetër person që dyshohet se ndihmoi Habib Rexhën në vrasjen e Arjan Gosës në Kavajë.
Mësohet se policia ka shoqëruar shokun e autorit të vrasjes, Ervis Kurtin, i cili do të merret në pyetje lidhur me rrethanat e ngjarjes.
Vetë Rexha ka dëshmuar para policisë se ka qenë bashkë me shokun e tij kur ka parë Arjan Gosën rastësisht duke pirë kafe në një lokal në Kavajë dhe ka marrë armën duke shkuar pranë tij.
Edhe pse ka pranuar se shoku i tij nuk ka qenë në dijeni të krimit që do kryente, ai ka treguar se pas vrasjes është larguar bashkë me të në drejtim të Kukësit.
