Samiti i G20 në Osaka të Japonisë, bëri bashkë edhe njëherë Presidentin Donald Trump dhe homologun e tij rus Vladimir Putin.
Takimi mes tyre vjen pasi çështja ‘Russiagate’ ka marrë të tjera zhvillime duke marrë parasysh edhe deklaratat e prokurorit Muller. Ndërhyrja e Rusisë në zgjedhjet e fundit në SHBA është një nga temat më të nxehta me të cilat po përballet Trump. Në lidhje me këtë ai u pyet nga gazetarët e pranishëm në takimin me Putin. Pyetjes së nëse ai do ti thoshte presidentit rus të mos ndërhynte në zgjedhjet e 2020 Trump ju përgjigj: “Sigurisht që do t’ja the” dhe më pas ju drejtua Putinit me gisht duke i thënë “Të lutem mos ndërhy më në zgjedhjet tona”.
Kjo nuk ishte batuta e vetme gjatë takimit të tyre. Në momentet e para kur liderët shtrënguan duart Trump i tha Putin për gazetarët “Hiqi qafe, Fake news është një goxha term apo jo? Ju nuk keni probleme të tillë në Rusi por ne i kemi”. Putin ju përgjigj me buzëqeshje “Edhe ne kemi. Është një trup.”
Kreu i Shtëpisë së Bardhë shtoi se kishin shumë gjëra për të biseduar, tregtia dhe çarmatimi. Ai premtoi se në bazë të marrëdhënieve shumë të mira mes të dyve, nga takimi do të dilnin gjëra shumë të mira.
Në lidhje me tematikën e Iranit, Trump zgjodhi të mos ju përgjigjej pyetjeve të gazetarëve duke ndërruar temë.
Sa i përket takimi të së shtunës me presidentin e Kinës, Trump tha se nuk kishte premtuar heqjen e tarifave por gjithsesi priste që takimi të ishte frytdhënës. /Opinion.al
