23 persona që morën pjesë ditën e sotme në protestën e opozitës janë shoqëruar nga policia. Të shoqëruarit dyshohet se gjatë protestës kanë hedhur sende të forta dhe mjete piroteknike në drejtim të policisë.
Aktualisht të shoqëruarit ndodhen në Drejtorinë e Policisë së Tiranës dhe në disa komisariate, ndërsa vijojnë verifikimet për protestuesit e tjerë. Në shenjë proteste, para Drejtorisë së policisë janë mbledhur disa persona të cilët kërkojnë lirimin e të shoqëruarave.
Ndërkohë, ish-deputeti demokrat Bardh Spahia është shprehur se ata janë të vendosur të presin para ambienteve të policisë deri në lirimin e tyre. Ish-deputeti e cilësoi shoqërimin e tyre një turp i policisë dhe qeverisë Rama. Ai paralajmëroi se kryeministri Edi Rama so të përballet me revoltën e qytetarëve.
“Ne do të presim deri sa të lirohen të gjithë të shoqëruarit dhe është një turp që ata të qëndrojnë brenda. Është një turp dhe Edi Rama do të përballet me revoltën e qytetarëve.”-tha Spahia./ Opinion.al E. Xh.
