Deputetët e partisë demokratike kanë mbërritur në komisaritet e policisë nr 1 dhe 2 ku po mbahen të ndaluarit gjatë protestës së sotme.
Në një deklaratë për mediat, deputeti Oerd Bylykbashi tha se ndodhen aty për t’i qëndruar pranë çdo demokrati dhe qytetari që protestoi për t’i nxjerrë ata të lirë.
Lidhur me vijimin e protestës të hënën para parlamentit ai tha se ajo ditë do të shënojë një mesazh të fortë dhe se qytetarët do t’i përgjigjen qeverisë me forma demokratike.
“Do të jemi atje për të treguar që ai parlament nuk funksionon si noter i Edi Ramës. Atë ditë do të ketë një mesazh të fortë. Ose Edi Rama do të rrëzohet me votë ose shqiptarët do të përgjigjen në të gjitha format demokratike”, tha Bylykbashi./Opinion.al
