Presidenti Ilir Meta ka reaguar për shoqërimin nga policia të një gazetari sot në Shëngjin duke e dënuar atë si një akt shantazhi dhe kërcënimi i pa justifikueshëm.
Nëpërmjet një statusi në Facebook, Meta inkurajon gazetarët të vijojnë të shërbejnë me guxim dhe kurajo për të informuar publikun.
Ai i ka bërë apel policisë të ruajë profesionalizmin dhe të distancohet nga praktikat abuzive të cilat siç shkruan ai na kthejnë pas në kohët më të errëta të dhunimit të të drejtave të njeriut.
“Apeloj zbardhjen e plotë dhe hetimin me përgjegjshmëri maksimale të kësaj ngjarjeje dhe ndëshkimin pa hezitim të autorëve të këtij akti, si dhe të gjithë atyre që në mënyrë të përsëritur frymëzojnë dhunën, shantazhet dhe kërcënimet ndaj gazetarëve.”- mbyll postimin e tij Presidenti Meta. /Opinion.al
