Bija e ish sulmuesit të Ëimbledon John Fashanu pretendon se njeh 7 futbollista gay në Premier League. Homoseksualiteti në futbollin elitar është një çështje shumë e rëndësishme për Amal Fashanu pasi xhaxhai i saj Justin Fashanu u vetëvra në 1998 pasi deklaroi që ishte gay.
Amal, e cila u bë e famshme gjatë dokumentarit të BBC ‘Britain’s Gay Footballers’, beson se futbollistët gay janë ‘të zënë në kurth’ e kanë frikë të dalin hapur.
Gjatë një interviste, Amal foli mbi homoseksualët në Premier League: “Personalisht njoh shtatë. Kurrën e kurrës nuk do të jep detaje mbi ta.”
“Nuk do mund ta bëjë kurrë diçka të tillë.
‘Ti do të jesh i sinqertë, ti ndihmosh, por nuk është kjo mënyra e duhur. Bota e futbollit është shumë e errët. As nuk e imagjinoj se si mund të jetë jeta e një futbollisti.”
Ish ylli i Premier League Thomas Hitzlsperger doli hapur në 2014 duke u kthyer në futbollistin e parë i cili e ka pranuar orientimin e tij seksual në Premier League.
Gjithsesi, deklarata e gjermanit erdhi disa muaj pasi ishte tërhequr nga fusha e blertë.
Ish mesfushori i Leed United Robbie Rogers, i cili luan aktualisht tek LA Galaxy, vendosi të tërhiqej në moshën 25 vjeçare pasi pranoi publikisht se ishte gay për tu rikthyer në kampionatin amerikan në 2013.
