Shokuese/ Kush është ish-lojtari i Tiranës që do të kalojë te Partizani?

Ky lajm duhet të jetë tronditës për tifozët e Tiranës, të cilët nuk e përtypin dot që një lojtar që ka luajtur për fanellën e tyre të mbrojë fanellën e rivalit të tyre historik. Selemani Ndikumana, mesfushor është shprehur për mediat se do të rikthehet së shpejti në Tiranë, por jo për të veshur fanellën e Tiranës por të Partizanit. Në bisedën që ka bërë me “PanoramaSport “ Ndikumana që aktualisht luan në Angola ka thënë se është në tratativa me Partizanin, por nuk saktëson kohën e rikthimit. Ndikumana thotë se “është nostalgjik për eksperiencën te Tirana, teksa evidenton se ka kaluar shumë momente të bukura në kryeqytet. Megjithatë, sqaron se me ish-klubin është ende në gjyq, teksa rikujton që çështja për 4 rrogat e prapambetura ka kaluar tashmë në FIFA”.