Shokon ish-kryetari i bashkisë Vlorë: Skënderbeu do rrëzohet nga Kategoria

Shpëtim Gjika, ish-kryebashkiaku i Vlorës dhe njëherësh ish-presidenti i Flamurtari nërpërmjet një statusi në faqen zyrtare në Facebook ka thënë se Skënderbeu do të bjerë nga Kategoria Superiore me urdhër të UEFA-s. Statusi i tij duke i ekzagjeruar dhe ngjason më tepër me një dëshirë në një moment që vet Gjika nuk ka asnjë lidhje me UEFA-n, si dhe nuk është pjesë e institucionit që drejton futbollin në vend. Gjika është i sigurt se Skënderbeu do të dënohet nga UEFA, teksa thotë se ekipi që do të zbres fillimisht nga Superliga do të dal nga përballja mes Vllaznisë dhe Tiranës, por sipas tij do të ngjitet sërish në elitë pasi bardhekuqtë do të dënohen nga UEFA.
“Mbajeni mirë shënim ketë status, sidomos tifozët e Skënderbeut! E di që do më shani, por do duroj! Skenari i këtij kampionati është si më poshtë: 1.Nga Superliga bie Tirana ose Vllaznia! 2.Skënderbeut pas pak ditësh i vjen vendimi nga UEFA për trukime ndeshjesh! 3.Skënderbeu dënohet të zbresi një kategori më poshtë nga Superliga! 4.Për kampionatin e ardhshëm ringjitet në Superligë Tirana apo Vllaznia në vend të Skënderbeut! Keni për ta parë që do ndodhi kështu! Ps: kushdo që do më shajë apo fyej sot, nuk do t’i përgjigjem, por do t’ja kthej 10-fish kur të ndodhi kështu si po them unë sot!”, shkruan Gjika në Facebook.
Burimi: http://telesport.al/shokon-shpetim-gjika-skenderbeu-bie-nga-superliga/
© telesport.al