Ish-kryeministri Sali Berisha ka postuar një video që tregon vjedhjen e drogës të sekuestruar nga policia, ditën e sotme, në Llakatund të Vlorës.
Përmes një shënimi në Facebook, referuar qytetarit dixhital, Berisha shkruan se disa persona po vjedhin drogën e kapur sot nga policia në Llakatund. Sipas tij, droga është futur në qeska të zeza nga policia dhe po del me qeska të bardha nga makina.
Fshati Llakatund, ku u kap sasia rekord e kanabisit, ndodhet 12 km në periferi të qytetit të Vlorës.
Ky fshat u zgjua nën rrethimin e 150 forcave policore, të cilat zhvilluan një operacion masiv, ku edhe pse ende nuk ka përfunduar peshimi, përllogaritet të jenë sekustruar më shumë se 15 tonë hashash.
Shënimi i plotë:
Po vjedhin drogen e kapur ne Llakatund??
Lexoni mesazhin dhe shikoni videon e qytetarit dixhital. sb
“Doktor te uroj shendet, lind nje pyetje. Droga u fut me qeska te zeza dhe po del me qeska te bardha, dhe shum boshe, si ka mundesi? Te lutem anonim, se me kte ordinirin te behet gropa”
