Të tjera detaje dalin në dritë nga vrasja e 27-vjeçarit që u gjet i pajetë të dielën në Vaun e Dejës. Sipas raportimeve autorët kanë përdorur një Mercedes me targa të vjedhura për të kryer vrasjen dhe më pas e kanë djegur atë, rreth 1 km larg vendit ku u gjet i ekzekutuar me plumb në kokë i riu.
Mësohet se targat e mjetit që u përdorën në ngjarje i përkasin një Fiati, pronarja e të cilit, me banim në Durrës, i kishte denoncuar si të vjedhura që në qershor.
Në vendngjarje u gjetën 4 gëzhoja kallashnikovi.
Gjin Boriçi (Ndoji) kishte mbiemër të ndryshuar dhe raportohet si person me precedentë kriminalë, ndërsa policia po heton ndër të tjera edhe pistën e hakmarrjes.
Ndërkohë, burime për tvklan,al kanë raportuar se 27-vjeçari jetonte mes Shqipërisë, Holandës dhe Italisë. Ai ishte ishte mik i reperit të njohur Arkimed Lushaj, Stresi./Opinion.al
.
