Policia ka njoftuar sot ndalimin e një shtetasi i cili ka tentuar ti shpëtojë patrullës, por që pas një ndjekjeje disa minutëshe është ndaluar dhe shoqëruar në polici.
“Shërbimet e Policisë Rrugore të Tiranës i kanë dhëne shenjë për të ndaluar mjetit tip BMW me targa të huaja, në dalje të kryeqytetit, me drejtues shtetasin M. K, por ky i fundit nuk i është bindur dhe ka shtuar akoma më shumë shpejtësinë dhe manovrat e rrezikshme, duke u bërë rrezik serioz për veten dhe punonjësit e Policisë Rrugore, ku në tentativë për t’u larguar, ka goditur dy mjete të Policisë Rrugore të Tiranës, që po e ndiqnin pa ndërprerje, deri sa ka braktisur mjetin në një rrugë rurale në afërsi të Vorës dhe janë larguar në këmbë, por falë ndjekjes nga afër janë prangosur nga efektivët e rrugores, të dy personat dhe janë shoqëruar në Komisariatin e Policisë Vorë, për veprime të tjera hetimore e procedurale”, njofton policia.
https://www.facebook.com/Policia-e-Shtetit-1502420603377639/videos/679789386165579/
Mësohet se personi i ndaluar është Mirsad Kuçana nga Tropoja. Ai njihet si një nga personat e afërt të Ervis Martinajt dhe akuzohet për përfshirjen në vrasjen e Enton Nikës në Linëz në vitin 2015.
Ai ka qenë pjesë e strukturave të Policisë së Shtetit prej vitit 2009, kur ai mbaroi Akademinë e Policisë e deri në fillim të vitit 2015. Menjëherë, pas kursit 6-mujor të policisë, Kuçana u emërua në patrullën e përgjithshme të Komisariatit nr. 2, detyrë të cilën e mbajti deri në nëntor të 2013. Më vonë ai u transferua në Drejtorinë e Policisë së Qarkut të Durrësit, ku edhe atje ka qenë me të njëjtën detyrë, në patrullën e përgjithshme. Kuçana kishte hequr dorë nga shërbimi policor dhe punonte si badigard në klubet e natës dhe si roje sigurie në lojërat e fatit në kryeqytet.
Kucanaj sëbashku me Martinajn janë fiksuar në pamjet e kamerave të sigurisë së restorantit ku ndodhi vrasja e Nikës. Ai u akuzua për “Vrasje me paramendim e kryer në bashkëpunim” por më vonë u la i lirë.
Në momentin e arrestimit ditën e sotme atij ju gjetën 12,400 franga zvicerane dhe një thikë. /Opinion.al
