Një aksident ndodhi paraditen e sotme në Durrës, ku r plagosur ka mbetur një vajzë 26 vjeçe. Aksidenti ndodhi në rrugën “Vllazërimi” në ish-Kënetë.
Policia tha se autobusi u përplas me një mjet “Peugeot”, ku mbeti e plagosur drejtuesja e saj.
Ndërsa shoferi i autobusit tip “Benz” A. Maxhaku 46 vjeç, banues në Durrës, u arrestua nga uniformat blu. Nga burimet policore, mësohet se shtetasia K.A. ndodhet në spital jashtë rrezikut për jetën.
Gjatë kryerjes së testit të alkoolit rezultoi se shtetasi A.Maxhaku ishte në gjendje të dehur.
Ndaj tij rëndojnë dy akuza: “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt” parashikuar në nenet 290 dhe 291 të Kodit Penal.
