-Jetë dhe Stil

Shmangni këto 7 gjëra që të arrini suksesin!


Bëhu pjesë e Grupit Zyrtar të Opinion.al
>> KËTU <<
               Publikuar në : 16:22 - 08/11/15 |
b.f

Nga JESSICA AGYEKUM

Shumë persona dëshirojnë të jenë të suksesshëm, gjithsesi suksesi duket se “viziton” vetëm një pakicë nga ne dhe ia mbyll derën shumicës. Suksesi nuk do t’ia dijë se sa shumë ti e dëshiron, nëse do të ishte kështu, gjithkush do të ishte i suksesshëm. Por nëse e doni vërtetë, shmangni këto shtatë gjëra.

1. Zvarritja

“Do ta bëj më vonë” është shpesh ekuivalente me “Nuk do ta bëj asnjëherë”, ndonëse ai nuk është asnjëherë qëllimi prapa zvarritjes së diçkaje. Personi që nuk dëshiron që ti të kesh sukses nuk është as ish-i yt, as bashkëpunëtori yt, as fati, por zakoni yt i dashur, i quajtur zvarritje! Zvarritja dhe suksesi nuk mund të jetojnë kurrë së bashku. Aty ku ka zvarritje, nuk ka sukses. Nëse Bill Gates do të ishte zvarritur me Microsoftin, ai nuk do të ishte miliarder sot.

2. Frika nga Dështimi

Nëse ti ke frikë se mos dështon, atëherë nuk je gati të triumfosh. Dështimi nuk është një pengesë, por një shkallë që të çon tek suksesi. Sa më shumë që t’i dështon, aq më i lartë do të jetë shansi për të arritur suksesin, nëse nuk dorëzohesh. Por në vend që të ndjeheni i trembur nga zëri i frikës dhe dështimit, pyet veten: Po nëse del me sukses? Dështimi nuk është fundi i rrugës, heqja dorë është! Bëhuni këmbëngulës.

3. Injoranca

Bota është në ndryshim të vazhdueshëm, nëse ti refuzon të mësosh, do të dalësh demode. Dija është pushtet. Të mësuarit nuk përfundon në shkollë. Çfarëdo fushe në të cilën je, ti ke nevojë të mësosh dhe të përditësohesh me informacion në mënyrë të vazhdueshme. Njerëzit e suksesshëm kanë një zakon të mësuari. Nëse ti e gjen veten vazhdimisht duke dështuar në diçka, mos e bind veten se suksesi është rrugës. Jo! Në të vërtetë, pyet veten se mos dështimet e tua shkaktohen si rezultat i padijes tënde. Mos iu fut një pune përpara se ta kesh kuptuar tërësisht.

4. Mungesa e qëllimit

Gjithsekush ka një plan për ty. Kompania kabllore ka një plan për ty; ata e dinë se ti do t’i ndihmosh të rrisin shitjet e tyre këtë vit. Shërbimi i internetit ka një plan për ty; ata e dinë se ti nuk mund të jetosh pa të. Mark Zuckerberg ka një plan për ty; ai e di se ti do të futesh në Facebook dhe do ta ndihmosh atë të ndërtojë kompaninë e tij. Gjithkush ka një plan për ty-përveç teje! Nëse dëshiron të kesh sukses, ti ke nevojë për një plan për veten tënde. Njerëzit e suksesshëm e planifikojnë jetën e tyre, ata kanë një buxhet, ata kanë ëndrra dhe aspirata.

5. Mungesa e kurajës

Kurajo nuk është mungesa e frikës, por aftësia për të vepruar pavarësisht rrethanave. Që të jesh i suksesshëm, ti duhet të kesh kurajë për ta bërë ëndrrën tënde realitet, pavarësisht pengesave. Kurajë është të kesh besim për të ndërmarrë veprime të guximshme, pavarësisht stuhive. Njerëzit kurajozë i shohin gjërat si të realizueshme dhe gjejnë mënyra për t’i bërë ato. Ata nuk e lejojnë frikën që të diktojë veprimet dhe vendimet e tyre.

6. Gjetja e fajit

Nuk ka problem nëse shihet faji, por nëse ti do të jesh i suksesshëm, mos përfundo ashtu. Më mirë sesa të ankohesh rreth asaj që është gabim në diçka, gjej sesi ajo mund të rregullohet. Njerëzit e suksesshëm i zgjidhin problemet. Në vend që të ankohen për shiun, ata shpikin çadrën.

7. Mungesa e vetëbesimit

Kur vëllezërit Uright vendosën të bënin avionin dhe e informuan babanë e tyre, ai tha: “Nëse Zoti do të kishte dashur që ne të fluturonim, ai do të na kishte bërë ne me krahë”. Vëllezërit Uright e vazhduan punën, megjithë mungesën e besimit. Sot, të gjithë fluturojnë me gëzim përqark botës. Keshtu mos i lejo njerëzit të flasin keq për ëndrrat e tua dhe të të thonë se ato janë të pamundura. Të besosh se mund ta bësh është gjithshka që të duhet. Çfarë ëndrre ke sot? Kush të thotë se nuk mund të realizohet? Shko bëje dhe provo që të gjithë të tjerët gabohen. /bota.al/

KOMENTO (0)

Shkruaj nje koment

    Pas