Forcat e sigurisë në Australi shmangën një sulm terrorist ndaj një avioni pasagjerësh.
Kryeministri australian, Malcolm Turnbull, njoftoi se ishin arrestuar 4 persona, të cilët po thurnin planin e atentatit terrorist.
Policia australiane ndërmori një sërë operacionesh në zona të ndryshme të Sidneit.
Materiale për prodhimin e bombave u sekuestruan në banesat e terroristëve. Shefi i policisë tha për mediat se grupi i ndaluar me gjasë është i frymëzuar nga rrjetet xhihadiste, por nuk bënë të ditur nëse është i lidhur me Shtetin Islamik apo grupe të tjera terroriste.
Sipas autoriteteve vendase, dyshohet se celula terroriste do të vendoste lëndë eksplozive në një avion pasagjerësh, për ta rrëzuar atë.
Kryeministri Turnbull njoftoi se vendi do të rrisë gjendjen emergjencës dhe do të shtohen masa e sigurisë në aeroporte dhe stacione udhëtimesh.
