Një 33-vjeçar është arrestuar nga policia e Krujës, pasi gjatë mbrëmjes së djeshme ka qëlluar me armë zjarri në drejtim të një lokali. Alfred Karaj, në gjendje të dehur, është zënë me pronarin e lokalit, 40-vjeçarin K.Z. në fshatin Larushkë. Pas debateve, 33-vjeçari ka hipur në makinë e tij tip “Benz”, me targa AA 575 LG, dhe nga vendi i pasagjerit ka qëlluar disa herë me pistoletë në drejtim të lokalit.
Bashkë me të në makinë kanë qenë edhe ArjanVeshti, 31 vjeç, si dhe Elon Deliu 28 vjeç, të cilët janë arrestuar për moskallëzim të ngjarjes.
Në vendngjarje policia ka gjetur 7 gëzhonja model 54, kalibri 7.62 mm si dhe një këmishë predhe fisheku luftarak e dëmtuar. Plumbat, fatmirësisht, kanë shkaktuar vetëm dëme në lokal, pasi në momentin që 33-vjeçari Alfred Karaj ka qëlluar, ka qenë i mbyllur./Tv Klan
