Tuneli panoramik në aksin Tiranë –Elbasan ka përfunduar dhe tashmë është plotësisht i kalueshëm për të gjithë udhëtarët. Ndërtimi i këtij tuneli bën të mundur eliminimin e rrezikut të rrëshqitjes së dherave në këtë pjesë të aksit. Puna për ndërtimin e tij nisi për shkak të rrëshqitjes së një masivi dheu një vit më parë.
Autoriteti Rrugor Shqiptar ka dhënë njoftimin në faqen e tij zyrtare në Facebook, duke thënë se janë respektuar të gjitha afatet në kontratë.
“Autoriteti Rrugor Shqiptar, njofton të gjithë perdoruesit e rrugës Tiranë-Elbasan se dje me datë 27 Prill 2019 kanë përfunduar punimet e tunelit për stabilizimin e rrëshqitjes në aksin Tunel – Elbasan km.17.36 ÷ 17.46, pjesë e aksit Tiranë – Elbasan, në respektim të plotë të afateve të përcaktuara në kontratë. Tuneli tashmë është i aksesushëm nga drejtuesit e mjeteve dhe po pasojnë ndërhyrjet me impakt mjedisor për rigjelbërimin e zonës”, njofton ARRSH./Opinion.al
